घरगुती, पौष्टिक अन्न उपलब्ध करून देण्यासाठी शिवसेनेच्या शिव उद्योग सहकार सेनेत शिवान्न ही संकल्पना राबविण्यात येणार आहे. या संकल्पनेअंतर्गत फिरते उपहार केंद्र, पोळी-भाजी केंद्र, झुणका-भाकर केंद्र, शेतीमाल बचत गट निर्मित खाद्यपदार्थ, अन्न व फळ प्रक्रिया उद्योग, खाद्यपदार्थ, उत्पादक यासाठी बाजारपेठ उपलब्ध करून दिली जाणार आहे; तसेच या उपक्रमांतून स्थानिक युवक-युवतींना रोजगार स्वयंरोजगाराची संधी उपलब्ध करून दिली जाणार आहे.
